ISMAACIIL NUUR FARUURBUUR

-

 


Abwaan Ismaaciil Nuur Faruurbuur
Bad mareennimadiisa ka sokaw, Ismaaciil nin miiga iyo magaaladaba ka tabcada ayuu ahaa. Foolaadka qarnigii 19-aad ee falkinta suugaanta aan lagu hawaysan jirin, ee inta looga wada hadhay dhegaysigooda loo beratami jiray ayuu kaalmaha horre kaga jiray. Suugaanyahan gole ka fuul ah, oo aan hadalka calaalinnin ayuu ahaa; weligiina gabay uu tiriyay kuma celin ayaa la yidhi. "Ismaaciillaw gabaygii caynkaas ahaa noo mari" kolka la yidhaahdo, "Kan ba dhegaysta" ayuu odhan jiray baa la yidhi. Qabyaalladda iyo naxliga reerruhu in kaste oo ay meel sare ku darruurraayeen wakhtigaas, haddana Ismaaciil nin ka faro baxsan oo aan dhacdhaca xagga qabaliga ku dheeraynnin ayuu ahaa; AHUN.
Ismaaciil Nuur Faruur-buur AHUN—e, oo ahaa gabyaa af-qabeen ah, ahaana badmareen maraakiibta la socda, oo hadba meeshii shaqo ka jirto u goosha, ayaa wakhti wakhtiyada ka mid ah markabkii uu la socday ku xidhay mid ka mid ah dekeddaha dalka Masar. Nin Jaamac la odhan jiray, oo ay abwaankana hilbo ahaayeen, hawl wadaagna ahaayeen, oo ay maraakiibtana la wada socon jireen, ayaa ku yidhi, "Ismaaciillaw caawa haddii aynnu naagahan carbeed iskala tumanno ka warran?" Ismaaciil oo kolkaasi aan da'diisu yarayn, ayaa aad ula yaabbay fikradda saaxiibkii Jaamac. Waxa jaamac afkiisa ka soo baxay inta uu ka yaqyaqsooday, ayuu go'aan aan labaclabac lahayn inta uu maqashiiyay, uu xagga aakhirana xusuusinayaa Jaamac, fartana ugu fiiqayaa in uu haatanba da' joogo—oo aanu uba taag haynin naag lala tunto, iyo lacag dhayl loogu bixiyo hammo aan meel jirin. Jaamac ayuu mar kale u sheegayaa dhawrkan qodob: 
1- Arrin kaste oo aad gelayso bisinka ayaa loo qabtaa; bisin haddii aanu shaygaasi lahaynna in aanu barako lahayn ayuu u tilmaamayaa.
2- Sharaacaduna in aanay bannayn gabadh ajaanib kaa ah, in aad jidhkeeda xaaraan ugu raaxaysato ayuu ku bantookhinayaa saaxiibkii.
3- Isaga oo da' ah na, in aanu garac meher iyo gogol xalaaleed mid toona ku dhalan taag u haynin ayuu ku jalbeebinayaa. Carruur dhuuxiisii ahna in uu cid kale iska siiyo, in aanu diyaar u ahayn ayuu horeba ka maqashiinayaa, isaga oo u sheegaaya in uu waxoogaa khayr ah oo xagga aakhiro uu u tabcadayna, aad ugu faro adayggaayo, oo aanu rabin in uu dhayl dhayal ku burburiyo tacabkaas ajarka ah. Waxaanu yidhi:

"Bisinkaa xalaal jaamacaw, lagu bireeyaaye
Ma bannayn shareecadu hablaha, inaynu boobnaaye
Buruudkoodu waa qaaddigood, ula badheedhaaye
Amba taydii iga baylahdoo, waa bes taladay—e
Anigoo cirradu boosh i tahay, baastar dhali maayo
Barkin iyo furaash aanan dhigan, boodh ka kicin maayo
Bixinna maayo beesadaan u tagay, badaha xaafuun
Nimaan iiga baahnayn carruur, boqola siin maayo
Berri yoolka khayrkaan la tegi, maanta bi'in maayo"

W/Q, Cabdikarikiim Xikmaawi
La soco qaybaha hadhay.

Comments

Post a Comment

Popular posts from this blog

QODKA GUBAN

-
Image
  Gabaygan waxa tiriyay Abwaan Cumar Xiinwaal AHUN. Abwaanku gabaygan waxa uu tiriyay 1968-kii, xilligaas oo nin ay saaxiib ahaayeen, lana odhan jiray Cabdiraxmaan Carte Qaalib oo dalka dibaddiisa na ku maqnaa uu farriin u soo diray isaga—oo ku leh, 'In aan dalkii imaaddo ayaa aan rabaaye, bal iiga soo warran xaaladda guud ee dalka'. Cumar saaxiibkii xaaladdii dalka ayaa uu uga warbixiyay. Ugu horraynba waxa uu u sheegay in sidii uu dalka ku ogaa Cabdiraxmaan aanay wali waxba iska beddalin. Waxa uu xusuusiyay busaaraddii, shaqola'aantii, qorshe xumadii, aanadii, dilkii, foolxumadii, shaxaadkii, qiimodarridii, balwadihii, qosolkii madhnaa iyo qamaamkii maalinlaha ahaa ee ay awalba isla garanayeen in uu wali sidiisii uun yahay.          Waxa kale oo Cumar uu uga warbixiyay saaxiibkii sida aanay u hirgalin nidaam dawladeed, cid ummaddu hagta aanay u helin, wali bulshadu ay u qayraansantahay una qamaamsantahay. Waxa uu u sheegay in aanay quud tabcan, oo aanay d...
Read more

JIN IYO JACAYL

-
Image
S annadku waa 2009, bishii 2aad. Ma hubo maalmaha inta dheer, waa se galab gaaban. Shantii iyo badhkii ku qiyaas. Wakhtigu wuu ordayaaye, ka kaalay wixii hore. Bacdal makhrib igula fiidso. Waa aniga iyo laba ka mid ah jaallayaashay. Midkood waa Maxamed Daahir, ka kalana nin fog maaha e, waa Khadir Maxamed. Masjid Tawfiiq la yidhaahdo, oo xaafaddayada u dhaw ayaannu aniga iyo jaallayaashay ku akhiriyaynay maaddada Financial Accountig 1. jaamacadda ayaannu nahay sannadkii koowaad (fresh). Waa Hargaysa; Jaamacadda Hargeisa lafteeda ayaannu dhigannaa. Masjidkii annaka oo fadhina, ayuu si lama filaan ah taleefankaygu u soo dhacay. Waa wacitaan ii muhiim ah. Ka qabtay qofkii, annaka oo aan hadalka kala bogan ayuu taleefankii ka go ' ay qofkii. Lacagta ku hadalka oo go ' day ayaa sababtaye, waxa aan u baxay Substation agtayada ahaa, si aan talefanka uga soo lacagaysto. Substationka waxa haysta Kayse Cabdi nin la yidhaahdo, oo aannu asxaab dhaw nahay illaa carruurnimadii. U galay Kayse...
Read more

FARSHAXAN QARSOON

-
Image
Farahaxanka Suugaanta marka laga hadlaayo, tixdu waxa ay martaa marxalado kala sarreeya. Marka hore waa bad, marka xiga waa xarafraac, marka xiga waa falkin, marka xiga waa farshaxan, marka xigana waa falsafad. Midda ugu horraysa ee Badda ahi waxa ay rabtaa ilaalin gaar ah, waxa ay rabtaa in baddaa laga maansoonaayo miisaankeeda la xiftiyo oo aan hadba dhan goka loo dhaafin. Xarafraacu isaguna waa tiir lamataabtaan ah oo waajib ay tahay in hal'abuurka uu halkiisa ku ilaaliyo. Falkin ayaa ay tixdii rabtaayoo, mawduuca uu hal'abuurka ka maansoonaayo haddii aanu falkin karayn 'Bayd-gaab' ayuu noqonayaa tixdiisu aanay hanaqaad badan yeelannin. Waxa loo gudbayaa heerka farahaxanka ee maansada, taas oo ah dharkii ay tixdu ku labbisanaysay, taas na waxa loogu kala xariifsanyahay sida loo kala khiyaal badanyahay, ama loo kala hodansanyahay! Waxa Ku xigaysa falsafadda guud ee tixdu ay siddo, taas oo la rabo inay tixdii ka turjunto bulshada loo tiriyay.           Intaa si...
Read more