ISMAACIIL NUUR FARUURBUUR, Q4—AAD

-
 


 "BAAL"
Gabaygan kale waxa uu Ismaacii kula hadlayaa xaaskiisa. Waxa la yidhi "Ismaaciil oo xoolo badan sita ayaa dalka yimid. Kan intan sii, kaas intaa u dhiib, keer waxaas u gee..." Nin aad u gacan furan ayuu ahaaye, dhar iyo dhuuni wixii uu sidayba tolkii ayuu ku sharraxay, in aan waxba ku hadhin gacantiisa kolkii la arkay, muddo badanna uu dalka joogay, ayay dumarkii ku direen gabadhiisii. "Naa ninkan dab iyo iyo reer laawaha ah, ee wixii uu helaba bixinaaya maxaad ka dul qaban. Naa magacaa ba'ye meesha iskaga tag; ma cidluu kaa helay!" Wax aan meeshaba leekayn ayay sidaa ugu akhriyeen miskiintii. Ismaaciil oo markaa u caqli celinaaya, una sheegaaya in uu baddiisii ku noqon doono, kuwaas soo afuufayana in uu indhahooda wax tusi doono, una ballanqaadaya xaaskiisa in uu kuwa ku diraya cagaheeda hoos keeni doono, ayaa gabaygan hoose u marinaya xaaskiisii; waxa uu yidhi:

"Naagyahay ballanni waa intaan, beledka joogaaye
Berraan socon haddii aan tashiga, la igu beenayne
Waxan sibraarka badhaxawgu shubay, inaan baqoolaaye
Baabuurradaan raacayaa, Boor Siciid qabane
Badda markaan tagaabaa risiqa, lay  badbadiyaaye
Waxa lay ballaqayaa albaab, buuxa weligiiye
Berberaan ka soo degi anoo, haysta maal badane
Way kuu baryootami kuwaa, kuu bud lulayaaye
Haddii aanan bakhtiyin dumar anaa, baro ku dheerayne
I baxnaani naagyahay sidii, baal ha fududaane!"

Muddo ayuu qurbihii ku maqnaa baa la yidhi Ismaaciil, haddii uu soo laabtay isaga oo maal badan soo tabcaday, dahab, dhar, lacag, iyo alaabo badan oo kalana sita, ayuu casuumad weyn tolkii iyo deriskiiba u sameeyay. Xoolo badan inta uu qalay haddii qayro/beel dhammi isku timid, ayaa uu xaaskiisii ku yidhi, "Naa shandadahan alaabtu ka buuxaan geedkaas hoos dhig kaw dheh, ka dib na kolka hilibka iyo cuntada laga dhergo, inta aad kolba shandad furto—oo waxa ku jira aad kor u soo saarto, ' Imaaciillaw kanna yaa leh' igu dheh" gabadhiina sidii ayay samaysay. Kolba inta ay kor u soo qaaddo inta uu madaxa kaga shubo dhar, dahab iyo lacag kay tahayba, ayuu ku yidhaahdaa, "Kanna adaa leh!" Cajiib! Dumarkii goobta iskugu yimid oo dhan ayaa hal mar wada yidhi "Alaylahee waxaasaa nin ah, bal eega waxa uu xoolo iyo xarragaba xaaskiisa u keenay..." Sidaas kolka ay tahay, miyaanu Ismaaciil ka dhabayn meerisyadii uu lahaa, 

"Haddii aanan bakhtiyin dumar anaa, baro ku dheerayne
Way kuu baryootami kuwaa, kuu bud lulayaaye
I baxnaani naagyahay sidii, baal ha fududaane"

W/Q, Cabdikariim Xikmaawi
La soco qaybaha hadhay.

Comments

Post a Comment

Popular posts from this blog

QODKA GUBAN

-
Image
  Gabaygan waxa tiriyay Abwaan Cumar Xiinwaal AHUN. Abwaanku gabaygan waxa uu tiriyay 1968-kii, xilligaas oo nin ay saaxiib ahaayeen, lana odhan jiray Cabdiraxmaan Carte Qaalib oo dalka dibaddiisa na ku maqnaa uu farriin u soo diray isaga—oo ku leh, 'In aan dalkii imaaddo ayaa aan rabaaye, bal iiga soo warran xaaladda guud ee dalka'. Cumar saaxiibkii xaaladdii dalka ayaa uu uga warbixiyay. Ugu horraynba waxa uu u sheegay in sidii uu dalka ku ogaa Cabdiraxmaan aanay wali waxba iska beddalin. Waxa uu xusuusiyay busaaraddii, shaqola'aantii, qorshe xumadii, aanadii, dilkii, foolxumadii, shaxaadkii, qiimodarridii, balwadihii, qosolkii madhnaa iyo qamaamkii maalinlaha ahaa ee ay awalba isla garanayeen in uu wali sidiisii uun yahay.          Waxa kale oo Cumar uu uga warbixiyay saaxiibkii sida aanay u hirgalin nidaam dawladeed, cid ummaddu hagta aanay u helin, wali bulshadu ay u qayraansantahay una qamaamsantahay. Waxa uu u sheegay in aanay quud tabcan, oo aanay d...
Read more

JIN IYO JACAYL

-
Image
S annadku waa 2009, bishii 2aad. Ma hubo maalmaha inta dheer, waa se galab gaaban. Shantii iyo badhkii ku qiyaas. Wakhtigu wuu ordayaaye, ka kaalay wixii hore. Bacdal makhrib igula fiidso. Waa aniga iyo laba ka mid ah jaallayaashay. Midkood waa Maxamed Daahir, ka kalana nin fog maaha e, waa Khadir Maxamed. Masjid Tawfiiq la yidhaahdo, oo xaafaddayada u dhaw ayaannu aniga iyo jaallayaashay ku akhiriyaynay maaddada Financial Accountig 1. jaamacadda ayaannu nahay sannadkii koowaad (fresh). Waa Hargaysa; Jaamacadda Hargeisa lafteeda ayaannu dhigannaa. Masjidkii annaka oo fadhina, ayuu si lama filaan ah taleefankaygu u soo dhacay. Waa wacitaan ii muhiim ah. Ka qabtay qofkii, annaka oo aan hadalka kala bogan ayuu taleefankii ka go ' ay qofkii. Lacagta ku hadalka oo go ' day ayaa sababtaye, waxa aan u baxay Substation agtayada ahaa, si aan talefanka uga soo lacagaysto. Substationka waxa haysta Kayse Cabdi nin la yidhaahdo, oo aannu asxaab dhaw nahay illaa carruurnimadii. U galay Kayse...
Read more

FARSHAXAN QARSOON

-
Image
Farahaxanka Suugaanta marka laga hadlaayo, tixdu waxa ay martaa marxalado kala sarreeya. Marka hore waa bad, marka xiga waa xarafraac, marka xiga waa falkin, marka xiga waa farshaxan, marka xigana waa falsafad. Midda ugu horraysa ee Badda ahi waxa ay rabtaa ilaalin gaar ah, waxa ay rabtaa in baddaa laga maansoonaayo miisaankeeda la xiftiyo oo aan hadba dhan goka loo dhaafin. Xarafraacu isaguna waa tiir lamataabtaan ah oo waajib ay tahay in hal'abuurka uu halkiisa ku ilaaliyo. Falkin ayaa ay tixdii rabtaayoo, mawduuca uu hal'abuurka ka maansoonaayo haddii aanu falkin karayn 'Bayd-gaab' ayuu noqonayaa tixdiisu aanay hanaqaad badan yeelannin. Waxa loo gudbayaa heerka farahaxanka ee maansada, taas oo ah dharkii ay tixdu ku labbisanaysay, taas na waxa loogu kala xariifsanyahay sida loo kala khiyaal badanyahay, ama loo kala hodansanyahay! Waxa Ku xigaysa falsafadda guud ee tixdu ay siddo, taas oo la rabo inay tixdii ka turjunto bulshada loo tiriyay.           Intaa si...
Read more